ලෝක කුසලාන පාපන්දු තරගාවලියේ දෙවන වටයේ තරග අදින් අවසන්වේ. තරගාවලියේ තවත් තරග දෙකක් අද දිනයේ පැවැත්වීමට නියමිතව ඇති අතර ජපානය හා පැරගුවේ කණ්ඩායම් අතර තරගය ශ්‍රී ලංකා වේලාවෙන් අද රාත්‍රී 7.30ට ආරම්භ වේ.

ආසියානු මහද්වීපය නියෝජනය කරමින් තරගාවලියේ තවදුරටත් රැඳී සිටින එකම රට ජපානය වීම ද වි‍ශේෂත්වයකි. ජපානය හා පැරගුවේ කණ්ඩායම් ලෝක කුසලාන පාපන්දු තරගාවලියක දෙවන වටයට සුදුසුකම් ලැබූ ප්‍රථම අවස්ථාව ද මෙය වේ.

මේ අතර ස්පාඤ්ඤ හා පෘතුගාලය අතර තරගය ද අද පැවැත්වීමට නියමිතය.. දෙවන වටයේ මෙතෙක් පැවති තරගවලින් ආර්ජන්ටිනාව, ජර්මනිය, ඝානාව, උරුගුවේ, නෙදර්ලන්තය හා බ්‍රසීල කණ්ඩායම් ජයහිමිකරගැනීමට සමත්විය.