Back to Top

மரம் வீட்டுக்கா வெற்றிலைக்கா என்பது இன்று தெரியவரும்?

September 12, 2012  09:07 am

Bookmark and Share
கிழக்கு மாகாண சபையில் ஆட்சி அமைக்க யாருக்கு ஆதரவு வழங்குவது என்பது தொடர்பில் ஸ்ரீலங்கா முஸ்லிம் காங்கிரஸ் உயர்பீடம் நேற்று (11) கொழும்பில் கூடி ஆராய்ந்தது.

இந்த கலந்துரையாடல் நேற்று மாலை தொடக்கம் இரவுவரை பல மணிநேரம் நீடித்ததாக ஸ்ரீலங்கா முஸ்லிம் காங்கிரஸின் பேச்சாளர் ஒருவர் குறிப்பிட்டார்.

கிழக்கில் ஆட்சி அமைக்க ஐக்கிய மக்கள் சுதந்திர முன்னணி மற்றும் தமிழ்த் தேசியக் கூட்டமைப்பு என்பன விடுத்துள்ள கோரிக்கைகள் தொடர்பிலும் அதன் சாதக பாதக நிலை தொடர்பிலும் நேற்றைய கூட்டத்தில் விரிவாக கலந்துரையாடப்பட்டுள்ளது.

எனினும் நேற்றைய சந்திப்பில் இறுதி முடிவு ஒன்றை எடுக்க முடியாத நிலையில் ஸ்ரீலங்கா முஸ்லிம் காங்கிரஸ் உயர்பீடம் இன்று காலை மீண்டும் கூடுகிறது.

பெரும்பாலும் கிழக்கில் தமது ஆதரவு யாருக்கு என்பதை ஸ்ரீலங்கா முஸ்லிம் காங்கிரஸ் தலைவர் ரவூப் ஹக்கீம் இன்று (12) அறிப்பார் என தெரிவிக்கப்பட்டுகிறது.

நேற்றைய சந்திப்பில் ஸ்ரீலங்கா முஸ்லிம் காங்கிரஸ் தலைவர் அமைச்சர் ரவூப் ஹக்கீம், கட்சியின் தவிசாளர் பஷீர் சேகுதாவூத், செயலாளர் நாயகம் ஹஸன் அலி உள்ளிட்ட முஸ்லிம் காங்கிரஸ் பாராளுமன்ற உறுப்பினர்கள், மாகாணசபை உறுப்பினர்கள் உலமாக்கள் என பலர் கலந்து கொண்டனர்.

(அத தெரண - தமிழ்)